A CUTUGNATA COMU A FA ENZA
Kempten, 19 Febbraiu 2020 |
|
I cosi chi servunu:
du chiri ri puma cutugna
un limuni
un chiru e mienzu ri zuccaru
|
Comu si fa
Lavati i cutugna. Tagghiatiri a murzitta. Facitiri bugghiri pi menzura cu tandicchia ri acqua 'da 'na bella pignata
e jungitici quarchi spicchiu ri limuni. Facitiri ruffriddari.
Passatiri cu un passasarsa.
Minditiri 'da stissa pignata
Jungiciti u 75% ri zuccaru e miscatiri boni. Dopu facitiri bugghiri a fuocu lendu pi armenu un'ura e ruminati pi tuttu u tembu.
Minditi a cutugnata 'de baratturi ri vitru e chiuritiri ermeticamendi, si va vuriti mangiari stricata supra u pani, comu l'autri mamellati.
Senunga minditira 'de furmi o 'de piatti. Facitira siccari na para ri jorna e dopu va putiti mangiari a piezzi.
|